स्वास्थ्य सेवा विभागका पूर्व महानिर्देशक डा. बिच्छा राष्ट्रिय योजना आयोगको सदस्यमा नियुक्त

हेल्थ टुडे,
काठमाडौँ, ७ बैशाख : स्वास्थ्य सेवा विभागका पूर्व महानिर्देशक डा.आरपी (रामपदारथ) बिच्छा राष्ट्रिय योजना आयोगको सदस्यमा नियुक्त भएका छन् । सरकारले हालै डा बिच्छासहित तीन जनालाई आयोगको सदस्यमा नियुक्त गरेको हो । स्वास्थ्य सेवा विभागका पूर्व महानिर्देशक डा.बिच्छा दुई वर्ष पहिले पूर्व प्रधानमन्त्री शेरबहादुर देउवाको प्रधानमन्त्रीको स्वास्थ्य सल्लाहकारका रुपमा कार्यरत थिए । बालरोग विज्ञ डा.बिच्छाले दुई पटक कान्तिबाल अस्पतालको निर्देशक भएर पनि काम गरेका थिए । बालस्वास्थ्य महासाखा र परिवार कल्याण महासाखाको निर्देशक भएर पनि डा. बिच्छाले कार्यसम्पादन गरेका थिए ।