स्वास्थ्य सेवा सुधार्न स्वास्थ्य मन्त्री पौडेलले मागे इमेल र ह्वाट्सएपबाट सुझाव

हेल्थ टुडे,
काठमाडौँ, ७ साउन : नेपालको स्वास्थ्य सेवामा सुधार गर्नु पर्ने पक्ष र तिनको समाधानका विषयमा स्वास्थ्य तथा जनसंख्या मन्त्री प्रदीप पौडेलले सरोकारवाला निकायसँग सुझाव मागेका छन् । वास्थ्य क्षेत्रको प्रमुख समस्या र समस्याको समाधान गर्ने उपाय के के हुन सक्छन् भनेर प्रमुख स्वास्थ्य सरोकारवालासंग सार्वजनिक रुपमा सुझाव मागेका छन् । उनले इमेल र ह्वाट्सएपबाट आफुलाई सुझाव दिन आग्रह गरेका छन् । अल्पकालिन र दिर्घकालिन नीति बनाएर स्वास्थ्य क्षेत्र सुधार्न आफु लागेको बताउदै मन्त्री पौडेलले सुझाव मागेका हुन ।
सुझाव दिन चाहनेका लागि मन्त्री पौडेललले आफ्नो इमेल र सचिवालयको ह्वाट्एप नम्बर सार्वजनिक गरेका छन् ।
खासगरी समग्र स्वास्थ्य प्रणाली भित्र रहेका प्रमुख समस्याहरु के के हुन् ? ती समस्याका सूची भित्र पनि प्राथमिकताका विषय के के हुन् ? र तिनको समाधान कसरी गर्ने ? जस्ता सवालहरुको तत्कालीन र दीर्घकालीन समाधानका लागि के कस्ता योजना निर्माण गर्ने र कार्यान्वयन गर्ने भन्ने सन्दर्भमा यहाँहरुको रचनात्मक सुझावको अपेक्षा गरेको छु मन्त्री पौडेलले सामाजिक सञ्जाल फेसबुकमा लेखेका छन् ।
उनले सुझावहरु आफ्नो इमेल ppaudelnc@gmail.com र सचिवालयको ह्वाट्सएप नम्बर 9849119261 मा पठाउन आग्रह गरेका छन् । उनले भनेका छन्, ‘मन्त्रालयको जिम्मेवारी सम्हाल्दै गर्दा यहाँहरूबाट धेरै शुभकामना, आशीर्वाद र माया पाएको छु । अझ महत्वपूर्ण, स्वास्थ्य क्षेत्र सुधार गर्नका लागि धेरै सल्लाह सुझावहरू प्राप्त भएको छ । यहाँहरूका सुझाव अनुसार नै, स्वास्थ्य क्षेत्रको सुधार तथा सेवा प्रवाहलाई मर्यादित, पारदर्शी, सहज र सर्वसुलभ बनाउने हाम्रो उद्देश्य हो ।’
मन्त्री पौड मन्त्री पौडेललले स्वास्थ्य क्षेत्रमा धेरै नै समस्या र चुनौतीहरु रहेको भन्दै ती समस्याको एक एक गर्दै समाधान खोज्न र अहिलेको अवस्थालाई सुधार गर्न तथा विकसित हुँदै आएका नयाँ प्रविधि र उपचार विधिरुको अवलम्बन गर्न नीतिगत र प्रणालीगत सुधारको खाँचो भएको बताए ।