नर्स ज्योति रानाभाटको अनसन चौथो दिन : सरकार समस्या समाधानमा गम्भिर भएन

हेल्थ टुडे,
काठमाडौं, १७ : बिहीबारदेखि १५ बुँदे माग राख्दै चार दिनदेखि अनसन बसेकी नर्स ज्योति रानाभाटका माग समाधान गर्न तर्फ सरकारले गम्भिर चासो नदेखाएपछि नर्सहरु असन्तुष्ट छन । नर्स तथा मिडवाइफहरूको न्यूनतम पारिश्रमिक, श्रम शोषण अन्त्यलगायत माग राखेर आमरण अनसन बसेकी रानाभाटको स्वास्थ्य अवस्था बिग्रदा समेत समस्या समाधान गर्न स्वास्थ्य मन्त्री निशा मेहता गम्भिरताका साथ प्रस्तुत नभएपछि मन्त्री महेताको पनि आलोचना भएको छ ।

नर्स पृष्ठभूमिबाट स्वास्थ्य मन्त्री भएकी उनले नर्सका समस्या बुझ्नेछन भन्ने आशा गरेका नर्सहरु अहिले निरास भएर यस्तै अवस्था रहे आफुहरु पनि आन्दोलनमा उत्रिने मानस्थितिमा छन । त्रिवि शिक्षण अस्पतालका कार्यरत एक नर्सले भनिन, अहिलेको स्वास्थ्य मन्त्रीले नर्सका समस्या बुझ्लान भन्ने लागेको थियो । तर चार दिनसम्म आमरण अनसन बस्दा समेत जिम्मेवारपूर्ण ढंगले वार्ता भएको छैन । के गर्न खोजेको ? स्वास्थ्य मन्त्रालयले गठन गरेको वार्ता टोलीसँग भएको छलफल निष्कर्षविहीन बनेको छ । वार्ता टोली कार्ययोजनासहित वार्तामा नआएको भन्दै रानाभाटले असन्तुष्टि जनाएकी छन् । रानाभाटको उपचार वीर अस्पतालमा भइरहेको छ । उनको स्वास्थ्य अवस्था विग्रदै गएप िचिकित्सकहरूले आईसीयूमा राख्न सुझाव दिएपनि उनले अस्वीकार गरेकी छन् । रानाभाटले स्वास्थ्य, शिक्षा, श्रम र अर्थ मन्त्रालयका प्रतिनिधि सहभागी हुने वार्ताको माग गरेकी छन ।
नेपाल नर्सिङ संघले पनि सरकारलाई यसअघि भएका सहमति तत्काल कार्यान्वयन गर्न र अनसनरत रानाभाटको जीवनरक्षाका लागि तत्काल पहल गर्न आग्रह गरेको छ । संघले नर्सहरूको सेवा–सुविधा, तलब–भत्ता र कार्य वातावरण सुधार नगरे गुणस्तरीय स्वास्थ्य सेवा सम्भव नहुने चेतावनी दिएको छ ।