मिस नर्सको अडिसन सुरु

हेल्थ टुडे
मिस नर्स नेपाल २०७३ को अडिसन राजधानीमा सुरु भएको छ । अगामी फागुन १४ गते हुने अन्तिम प्रतिस्प्रर्धाकालागि देश भरिबाट चारसय भन्दा बढी नर्सहरुले भाग लिएका छन् । पहिलो चरणमा ५० जनाको अडिसन सम्पन्न भएको छ ।
निर्णायक मण्डलका सदस्यहरुले प्रतियोगि नर्सहरुलाई व्यक्तित्व विकास, समाजिक सेवा, व्यवसायिक दक्षता र स्वास्थ्य शिक्षाका बिषयमा केन्द्रित रहेर विभिन्न प्रश्न सोधेका थिए । पहिलो चरणको अडिसनमा निर्णायकको रुपमा नेपाल चिकित्सक संघका अध्यक्ष डा.लोचन कार्की, क्यान्सर रोग विशेषज्ञ डा. सन्ध्याचापागाइ, नेपाल स्तन क्यान्सर फाउण्डेसनकी संस्थापक सुजिता हिराचन, वरिष्ठ नर्स दुर्गा श्रेष्ठ, कोरियोग्राफर रोजिन शाक्य र म्यानहन्ट इन्टरनेशनल निर्जन थापा रहेका थिए ।
नेक्स्ट मोडेल नेपालले बिगत चार वर्षदेखि मिस नर्स नेपाल प्रतियोगिता आयोजना गर्दै आइरहेको छ । नर्सहरुभित्र लुकेर रहेको प्रतिभा प्रस्फुटन गरि उनीहरुको पेसालाई समाजमा अझ सम्मानित गर्न प्रतियोगिता आयोजना गरिएको आयोजक नेक्स्ट मोडेल नेपालका संस्थापक रवि धमलाले बताए । प्रतियोगिताको अफिसियल मिडिया हेल्थ टुडे रहेको छ ।