स्वास्थ्य विभागको महानिर्देशकमा डा.पन्त

हेल्थ टुडे
स्वास्थ्य सेवा विभागको महानिर्देशकमा डा.राजेन्द्र पन्त नियुक्त भएका छन् । स्वास्थ्य मन्त्री गगन थापाले विभागकी निमित्त महानिर्देशक डा.पुष्षा चौधरीको प्रसूति गृहमा काज फिर्ता गरि डा. पन्तलाई महानिर्देशकको जिम्मेवारी सुम्पेका हुन ।
डा.पन्त विभाग मातहतको वाल स्वास्थ्य महासाखाका निर्देशक थिए । केपी ओली नेतृत्वको सरकारका स्वास्थ्य मन्त्री रामजनम चौधरीले तत्कालिन विभागका महानिर्देशक डा.सेनेन्द्रराज उप्रेतिलाई मन्त्रालय तानेर परिवार स्वास्थ्य महासाखामा काजमा रहेकी स्त्री रोग विज्ञ डा. चौधरीलाई निमित्त महानिर्देशकको जिम्मेवारी दिएका थिए । पन्त र चौधरी दुबै एघारौ तहका चिकित्सक हुन् । स्वास्थ्य ऐन अनुसार महानिर्देशक हुन बाह्रौ तहको चिकित्सक हुनु पर्छ । मन्त्रालयमा अहिले डा. सेनेन्द्र उप्रेति र डा. किरण रेग्मी बाह्रौ तहका चिकित्सक हुन ।
. उप्रेति अहिले मन्त्रालयको सचिव छन भने रेग्मी प्रमुख विशेषज्ञका रुपमा कार्यरत छिन् । स्वास्थ्य मन्त्री थापाले पहिले नै डा.चौधरीलाई हटाउन खोजे पनि शक्तिकेन्द्रको बलमा सकेका थिएनन् । डा. चौधरीका पति डा. श्रवण चौधरी भारतीय राजदु
तवासमा कन्सल्टेन्ट छन् । मन्त्रालयले दिएका निर्देशन कार्यन्वयन गर्न नसकेको र समुन्वय गर्न नसकेको भन्दै डा. चौधरीलाई महानिर्देशकबाट हटाइएको मन्त्रालय श्रोतले बतायो । बाल स्वास्थ्यको निर्देशक पदमा कार्यरत पन्त यस अगाडि मध्यपश्चिम क्षेत्रिय स्वास्थ्य निर्देशनालयको निर्देशक थिए । त्यो भन्दा पहिले उनी राष्ट्रिय क्षयरोग केन्द्रको निर्देशक थिए । डा. पन्त नेपाली कांग्रेस निकट मानिन्छन ।