न्यूरो सम्बन्धि नि:शुल्क स्वास्थ्य सिविर

हेल्थ टुडे

काठमाडौं : नसा सम्बन्धि बढ्दो समस्यालाई समयमै पहिचान गरि उपचार सहज बनाउने उद्देश्यले बसुन्धरामा रहेको न्यूरो क्लिनिकले नसा रोग सम्बन्धि नि:शुल्क वृहत स्वास्थ्य सिविर सञ्चालन गर्ने भएको छ । यही पुष २२ गते शनिबारका दिन उक्त सिविर न्यूरो क्लिनिकमै सञ्चालन हुने छ । नि:शुल्क सिविरमा नसा रोग जस्तै मस्तिष्क घात, छारेरोग, माइग्रेन, नसा थिचिएको, न्यूरोपैथी, पारकिन्सोनिज्म, अल्जाईमर, निन्द्रा सम्बन्धि लगायतका रोगहरुको स्क्रिनिङ गरिने क्लिनिकका चिकित्सक डा. रागेश कर्णले जानकारी दिए । यसका साथै उच्च रक्तचाप, मधुमेह, बाथ रोग र थाइरोइडको पनि प्रारम्भिक जाच गरिने छ । सिविरमा विशेषज्ञहरुद्घारा सुगर, कलेजो, मिर्गौला, कोलस्ट्रोल, थाइरोइड, बाथरोग सम्बन्धी रगत परिक्षण समेत हुने छ । सिविरमा पोष्टर, बुकलेट, अडियो भिजुअल डिस्प्लेबाट यी सबै रोगहरुका बिषयमा जानकारी गराइने डा. कर्णले बताए । नि:शुल्क सिविर सञ्चालन गर्न लागिएकाले समयमै नाम लेखाएर स्वास्थ्य लाभ लिन न्यूरो क्लिनिकले सबैलाई आग्रह गरेको छ ।