हेल्थ टुडे
राजधानीको भृकुटी मण्डपमा प्रयोगशाला सम्बन्धी मेडिकल ल्याव सो सुरु भएको छ । चिकित्सा र प्रयोगशाला क्षेत्रमा भइरहेका नयाँ प्रविधि समावेश गरिएको तिन दिने प्रदर्शनी शनिबार सम्पन्न हुने छ । प्रदर्शनीको नेपाल उद्योग वाणिज्य महासंघका उपाध्यक्ष एवं औषधि उत्पादक संघका पूर्व अध्यक्ष उमेशलाल श्रेष्ठले उद्घाटन गरेका हुन । एसडी प्रोमो मिडिया प्रालि भारतले केमिकल एन्ड मेडिकल सप्लायर्स नेपालसँगको सहकार्यमा यो प्रदर्शनी आयोजना गरिएको हो । महासंघका उपाध्यक्ष श्रेष्ठले यस किसिमका प्रदर्शनीले मेडिकल तथा सर्जिकल ल्याबको नयाँ प्रविधिका विषयमा जानकारी लिन र दिन ठूलो भूमिका खेल्ने बताए ।
मेडिकल सर्जिकल क्षेत्रका व्यवसायी, स्वास्थ्य पेशाकर्मी र मेडिकल क्षेत्रका विद्यार्थीका लागि यो प्रदर्शनी लाभदायी हुने श्रेष्ठले बताए । केमिकल एन्ड मेडिकल सप्लायर्स नेपालका अध्यक्ष सुरेश घिमिरेले प्रदर्शनीमा व्यावसायिक भेटघाट र उपकरण सम्बन्धी जानकारीमूलक प्रस्तुति समेत भइरहेकोले प्रदर्शनी लाभदायक हुने बताए । प्रदर्शनीमा भारत र चिनबाट १ सय ३० र नेपालबाट ७० स्टल राखिएका छन् ।
Leave a Reply