वरिष्ठ देउडा गायक जोशीको पत्थरीको सल्यक्रिया

हेल्थ टुडे,

काठमाडौं, १५ जेठ : वरिष्ठ देउडा गायक नन्दकृष्ण जोशीको मिर्गौलाको पत्थरीको सफल शल्यक्रिया गरिएको छ । राजधानीको चाहहिलस्थित मेडिकेयर हस्पिटलमा सोमबार उनको सल्यक्रिया गरिएको हो । वरिष्ठ यृुरोलोजिस्ट प्रा. डा. अर्जुनदेब भट्ट नेतृत्वको टोलीले गायक जोशीको शल्यक्रिया गरेको हो । गायक जोशीको स्वास्थ्य अवस्था सुधारोन्मुख छ । उनलाई हाल मेडिकेयरको पोष्ट अपरेटिङ वार्डबाट क्याविनमा सारिएको पारिवारिक स्रोतले जानकारी दिएको छ । पेट दुख्ने समस्या देखिएपछि गायक जोशीको केही समय पहिले स्वास्थ्य परिक्षण गरिएको थियो । स्वास्थ्य परिक्षणपछि उनको मिर्गौलामा पत्थरी देखिएको थियो ।