थप ५ अस्पताल केन्द्रिय सरकार मातहत (नामसहित)

काठमाडौ,फागुन । सरकारले थप ५ वटा अस्पताललाई संघीय सरकार अन्तर्गत ल्याएर व्यवस्थापन गर्ने निर्णय गरेको छ । गत शुक्रबार बसेको मन्त्रीपरिषद्को बैठकले विराटनगर स्थित कोशीअञ्चल अस्पताल, वीगञ्जको नारायणी उपक्षेत्रीय अस्पताल, भरतपुर अस्पताल, भेरी अञ्चल अस्पताल र डडेल्धुरा उपक्षेत्रीय अस्पताललाई केन्द्र सरकार मातहत राख्ने निर्णय गरेको हो ।

यसअघि सरकारले बिभिन्न ११ वटा अस्पताललाई केन्द्र सरकार मातहत राख्ने निर्णय गरेको थियो । सरकारले शिक्षा, विज्ञान तथा प्रविधि मन्त्रालय अन्तर्गत स्थापना गरिने तीन वटा मेडिकल कलेजहरूको भौतिक पूर्वाधार निर्माण विकास कार्य सञ्चालन गर्न २०७६ असार मसान्तसम्मको लागि अस्थायी संगठन संरचना र राजपत्राङ्कित श्रेणीका ९ पदको अस्थायी दरबन्दी सिर्जना गर्ने निर्णय पनि गरेको छ ।