सुदूरपश्चिम प्रदेश प्रमुख मल्लको मेदान्तमा उपचार हुँदै

हेल्थ टुडे,
काठमाडौ,१८ फागुनः सुदुरपश्चिम प्रदेशका प्रदेश प्रमुख मोहनराज मल्लको दिल्ली स्थित मेदान्त हस्पिटलमा उपचार भईरहेको छ । प्रदेश प्रमुख मल्लको स्वास्थ्य अवस्था सुधार हुन नसकेपछि उनलाई फागुन १५ गते डाक्टरको सल्लाह अनुसार नै एयर एम्बुलेन्सबाट मेदान्त हस्पिटल लगिएको थियो । प्रदेश प्रमुख मल्ललाई कडा निमोनिया भएपछि धनगढीबाट फागुन ५ गते काठमाडौं ल्याइएको थियो । त्रिवि शिक्षण अस्पताल महाराजगञ्जको आईसियूमा उपचार गराएपनि स्वास्थ्यमा सुधार हुन नसकेपछि उहाँलाई एयर एम्वुलेन्सबाट दिल्ली स्थिति मेदान्त हस्पिटल लगिएको थियो । त्रिवि शिक्षण अस्पतालका निर्देशक डा.प्रेम खड्काका अनुसार अक्सिजन सेचुरेशन मेन्टन गर्न नसकेको र ह्वाइट ब्लड सेल्स पनि कम देखिएपछि थप उपचारका लागि मेदान्त लगिएको हो । सुरुमा कडा निमोनिया भएपछि मल्ललाई पहिले धनगढीस्थित निसर्ग हस्पिटलमा उपचार गरिएको थियो । त्यहा स्वास्थ्यमा सुधार भएपछि उनलाई सेनाको हेलिकोप्टरबाट काठमाडौं ल्याइएको थियो । मल्ललाई सुरुमा मनमोन कार्डियो भास्कुलर एण्ड थोसासिस सेन्टरमा भर्ना गरिएको थियो । त्यहाँबाट केही दिन अघि उनलाई टिचिङ हस्पिटलको आईसियू १ मा सारिएको थियो । ७० बर्षिय मल्लको शारिरीक अवस्था कमजोर रहेको उपचारमा संलग्न चिकित्सकहरुले बताएका छन् ।