हेल्ड टुडे,
सर्लाही,२५ फागुनः सर्लाही जिल्लाको दक्षिणी क्षेत्रमा सञ्चालन गरिएको एकदिने स्वास्थ्य शिविरमा पाठेघरको परीक्षण गराउन आएका ४४५ महिलामध्ये ३५ जनाको पाठेघरको शल्यक्रिया गर्नुपर्ने देखिएको छ । यस्तै, ७० जना महिलाको पाठेघरमा रिङ राखिएको छ।
गोडैता नगरपालिकामा यसै साता आयोजना गरिएको स्वास्थ्य शिविरमा ७० जना महिलाको पाठेघरमा रिङ राखिएको हो। निःशुल्क शिविरमा ४४५ महिलाको पाठेघर परीक्षण गरिएको गोडैता नगरपालिका कार्यालयले जनाएको छ।
गोडैता नगरपालिका, जनस्वास्थ्य कार्यालय मलंगवा, बागमती सेवा समाज र आड्रा नेपालको संयुक्त आयोजनामा पाठेघर परीक्षण शिविर सञ्चालन गरिएको थियो ।
वेणी भोला नमुना माध्यमिक विद्यालय परिसरमा आयोजित शिविरमा सिसौटिया, बकैनिया, बगदह, गोडैता, रोहुवालगायत गाउँका महिलाले पाठेघर परीक्षण गराएका थिए ।
पाठेघरको शल्यक्रिया पनि निःशुल्क गर्ने व्यवस्था मिलाइएको र केही दिनपछि उनीहरूलाई सुविधा सम्पन्न अस्पतालमा पठाइने गोडैता नगरपालिकाले जनाएको छ ।
Leave a Reply