स्टारको वार्षिकोत्सवमा १० वर्ष सेवा गरेका कर्मचारी सम्मानित

हेल्थ टुडे,
ललितपुर, २९ फागुन :  सानेपास्थित स्टार हस्पिटलले बुधबार आफ्नो १३ औं वार्षिकोत्सव मनाएको छ । वार्षिकोत्सको अवसरमा हस्पिटलमा निरन्तर १० वर्ष सेवा गरेका १६ जना कर्मचारीलाई सम्मान गरिएको छ । सम्मानित हुने कर्मचारीहरुमा काशिराम लावती, रुद्र थापा मगर, नमिता श्रेष्ठ, शर्मीला श्रेष्ठ, उशा ढकाल, बिर बाहादुर श्रेष्ठ, जानुका बिष्ट, साबित्री रेग्मी, कमला बस्नेत, लक्ष्मी महर्जन, आशा लामा, बिष्णु थापा, राजु ढकाल, धन बाहादुर माझी, हरी बाहादुर खत्री र दुर्गा थिङ्ग छन् । यसै गरि हस्पिटलमा कार्यरत कृष्णा कुमारी श्रेष्ठलाई वर्षकी उत्कृष्ठ कर्मचारीका रुपमा सम्मानित गरिएको छ । स्टार हस्पिटलका अध्यक्ष बसन्तचन्द्र मरहट्ठाले सम्मानित कर्मचारीहरुलाई सम्मानपत्र र नगद प्रदान गरेका थिए । विरामीलाई उत्कृष्ठ सेवा प्रदान गर्नमा कर्मचारीले रातदिन नभनि सेवा गरेको स्मरण गर्दै अस्पतालले भविश्यमा अझ प्रभावकारी सेवा प्रदान गर्न कुनै कसर बाकी नराख्ने बताए ।