बर्खास्तमा परेका बिपी कोइराला स्वास्थ्य विज्ञान प्रतिष्ठानका उपकुलपति रौनियार अदालत जाने

हेल्थ टुडे,
काठमाडौ,४ चैतः बिपी कोइराला स्वास्थ्य विज्ञान प्रतिष्ठानको उपकुलपतिबाट बर्खास्तमा परेका डा.राजकुमार रौनियार सरकारको निर्णयबिरुद्ध अदालत गुहार्ने भएका छन् । उपकुलपतिबाट बर्खास्त डा. राजकुमार रौनियारले आफुमाथी अन्याय भएको भन्दै अदालत जाने बताएका छन् ।

प्रतिष्ठानको सिनेट बैठक रोक्न माग गर्दै उनले यसअघि सर्वोच्चमा हालेको रिट विचाराधीन छ । आफुमाथि लगाइएको आरोप पुष्टि गर्न चुनौती दिँदै रौनियारले प्रमाण नै नभएको कुरामा पूर्वाग्रही भएर आफुलाई हटाइएको भन्दै अन्यायका बिरुद्ध अदालत जाने प्रतिक्रिया दिएका छन् ।
फागुन १७ गते सम्पन्न प्रतिष्ठानको ४२औं सिनेट बैठकले रौनियारलाई उपकुलतिबाट बर्खास्त गर्ने निर्णय गर्दै सदरका लागि प्रधानमन्त्री एवं उपकुलपति केपी ओलीसमक्ष पठाएको थियो। कुलपति एवं प्रधानमन्त्री ओलीले २६ गते सिनेटको निर्णय सदर गरेपछि प्रतिष्ठान नेतृत्वविहीन छ। निमित्त उपकुलपतिको जिम्मेवारी कसैलाई दिइएको छैन ।