कलेजो प्रत्यारोपण सम्बन्धि जनचेतना जगाउन मंसिर ७ गते मिनीम्याराथन

हेल्थ टुडे,
काठमाडौं, २७ कात्तिक: कलेजो प्रत्यारोपण सम्बन्धि जनचेतना जगाउने उद्देश्यले अगामी मंसिर ७ गते शनिबारका दिन राजधानीमा कलेजो प्रत्यारोपण मिनीम्याराथनको आयोजना हुने भएको छ । त्रिभुवन विश्वविद्यालय शिक्षण अस्पताल, कलेजो प्रत्यारोपण साखाको आयोजनामा हुने मिनीम्याराथन त्रिवि शिक्षण अस्पतालबाट सुरु भएर बुढानिलकण्ठ हुदै पुन: शिक्षण अस्पतालसम्म पुगेर सम्पन्न हुने छ । मिनीम्याराथनमा भाग लिनेले १२ किलोमिटरसम्मको दुरी पार गर्नु पर्ने छ । नेपाल मेडिकल काउन्सिलमा दर्ता भएका जुनसुकै डाक्टरले पनि मिनीम्याराथनमा भाग लिन सक्ने त्रिभुवन विश्वविद्यालय शिक्षण अस्पताल, कलेजो प्रत्यारोपण साखाका प्रमुख एवं कलेजो प्रत्यारोपण सर्जन प्रा.डा.रमेशसिंह भण्डारीले जानकारी दिएका छन् । मिनीम्याराथनका बिजेताहरुलाई विशेष पुरस्कार पनि व्यवस्था गरिएको छ । जस अनुसार सबै प्रतियोगिमध्ये प्रथम हुनेले बिशेष पुरस्कार प्राप्त गर्नेछन् भने महिला चिकित्सक मध्ये उत्कृष्ठ हुनेले अर्को आकर्षक पुरस्कार प्राप्त गर्न सकिने आयोजकले जानकारी दिएको छ ।