क्यूबिडी फर्मास्यिूटिकल्सले उत्पादन गरेका औषधि बजारमा

हेल्थ टुडे,
ललितपुर, १ माघ : क्यूबिडी फर्मास्यिूटिकल्सले माघे सक्रान्तिको अवसर पारेर आफुले उत्पादन गरेका औषधिको विक्री बितरण सुरु गरेको छ । बुधबार क्यूबिडी फर्मास्यिूटिकल्सको कर्पोरेट अफिस मानभवनमा औपचारिक रुपमा कम्पनीले उत्पादन गरेका औषधि बजारमा पठाएको हो । गुणस्तरलाई पहिलो प्राथमिकता दिएर क्यूबिडी फर्मास्यिूटिकल्सले औषधि उत्पादन सुरु गरेको र आजबाट उत्पादित औषधि बिक्री बितरणका लागि बजारमा पठाएको फर्मास्यिूटिकल्सका प्रवन्ध निर्देशक दीपक प्रधानले बताए । क्यूबिडीको औषधि उत्पादन गर्ने कम्पनी काभ्रेको बनेपामा रहेको कम्पनी छ । ५७ करोड रुपैयाको लागतमा स्थापना भएको क्यूबिडी फर्मास्यिूटिकल्सले २१ जनाको टीमले बजार व्यवस्थापनको काम सुरु गरेको र कम्पनीमा ३७ जना दक्ष जनशक्ति रहेको मार्केटिङ डाइरेक्टर ऋषिकेश भण्डारीले जानकारी दिए । भण्डारीले यो आर्थिक वर्ष भित्र २५ प्रकारका औषधि बजारमा पठाउने गरि काम अगाडि बढेको बताए ।