रुपन्देही र बाँकेमा थपिए कोरोना संक्रमित, कोरोना संक्रमितको संख्या ५९ पुग्यो

हेल्थ टुडे,
काठमाडौं, १९ बैसाख : रुपन्देही र बाँकेमा पनि कोरोना भाइरसका संक्रमित फेला परेका छन् । स्वास्थ्य तथा जनसंख्या मन्त्रालयका प्रवक्ता डा. विकाश देवकोटाका अनुसार रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि भएको हो । उनीहरुको पिसिआर बिधिबाट जनस्वास्थ्य प्रयोगशाला टेकुमा परिक्षण गर्दा यससँगै कुल संक्रमितको संख्या ५९ पुगेको छ । १६ जना निको भएर घर फर्कीसकेका छन । रूपन्देहीका संक्रमित युवक वैशाख ५ गते भारतबाट आएका थिए । दुबैको स्वास्थ्य अवस्था समान्य रहेको प्रवक्ता देवकोटाले जनाकारी दिएका छन ।