श्रीमान् श्रीमती दुबै जना स्वास्थ्य मन्त्री

हेल्थ टुडे,

काठमाडौं, २२ जेठ :   नव नियुक्त स्वास्थ्य तथा जनसंख्या मन्त्री शेरबहादुर तामाङ  र प्रदेश नम्बर १ की स्वास्थ्य मन्त्री उषाकला राई श्रीमान् श्रीमती हुन् । यी दुबैलाई एकै पटक मन्त्री हुने अवसर जुरेको छ, त्यो पनि स्वास्थ्य मन्त्री । श्रीमान् केन्द्रिय स्वास्थ्य मन्त्री भएका छन् भने श्रीमती प्रदेश स्वास्थ्य मन्त्री । उषाकला दुई महिना अगाडि प्रदेश १ की स्वास्थ्य सहित समाजिक विकास मन्त्री नियुक्त भएकी थिएन भने शेरबहादुर शुक्रबारमात्र स्वास्थ्य मन्त्री नियुक्त भएका हुन् । प्रदेशमा स्वास्थ्य मन्त्रालयलाई समाजिक विकास मन्त्रालय अन्तरगत राखिएको छ ।

गण्डकी प्रदेश र लुम्बिनी प्रदेशले त समाजिक विकास मन्त्रालयबाट स्वास्थ्यलाई अलग गरेर छुट्टै स्वास्थ्य मन्त्रालय समेत बनाइसकेका छन् । व्यवहारमा पनि शेरबहादुर र उषाकला असाध्यै मिल्ने दम्पतीका रुपमा चिनिन्छन् । शेरबहादुर सिन्धुपाल्चोकबाट प्रत्यक्ष निर्वाचित सांसद हुन भने उषाकला प्रदेश १ बाट प्रदेश सांसद हुन ।