परिवार नियोजन संघकी जमुना सिटौलालाई थाइल्याण्डको कम्युनिटी अली हिरो अवार्ड

हेल्थ टुडे,
काठमाडौं, १३ मंसिर : नेपाल परिवार नियोजन संघकी एडभोकेसी फोकल जमुना सिटौलालाई थाइल्याण्डको एपकम (APCOM) ले कम्युनिटी अली हिरो अवार्ड २०२२ प्रदान गरेको छ । यौन तथा प्रजनन् अधिकार, लैंगिक समानता, सुरक्षित गर्भपतन सेवाको अधिकार, यौनिक तथा लैंगिक अल्पसंख्यकको सेवा र अधिकारका क्षेत्रमा लामो समयदेखि पैरवी गरे वाफत सिटौलालाई यो अवार्ड प्रदान गरिएको हो ।
सिटौला बिगत दुई दशक बढी समयदेखि संघमा एडभोकेसी साखा प्रमुखको रुपमा कार्यरत् छिन् । एपकम (APCOM) एशिया प्यासिफिक क्षेत्रमा लैंगिक समानता, एचआईभी तथा यौनिक तथा लैंगिक अल्पसंख्यकहरुको अधिकारका क्षेत्रमा कार्यरत थाइल्याण्ड स्थित एक अन्तर्राष्ट्रि«य संस्था हो । यो अवार्ड ६ वर्षदेखि निरन्तर बिभिन्न बिधाहरुमा दिइदै आइरहेको छ । यो वर्ष नेपालबाट नेपाल परिवार नियोजन संघले समूदाय स्तरमा र राष्ट्रिय स्तरमा गरेको पैरवीको मूल्याँकन गर्दै यो सम्मान प्रदान गरिएको हो । संघका ८८ प्रतिशत सेवाग्राहीहरु सिमान्तकृत र जोखिम समुदायका रहेको र यो समदायको सेवा र अधिकारको सुनिश्चितताको लागि सधै पैरवी गरिरहेको नेपाल परिवार नियोजन संघले यौनिक अल्पसंख्यकहरुका लागि देशमै पहिलो पटक गैर सरकारी निकायबाट हर्मोनल थेरापी तथा लेजर सेवा संचालन गर्दै आएको छ ।
यसका साथै बृहत यौनिकता शिक्षा र सुरक्षित गर्भपतन सेवामा नितिगत सुधार गर्न सफल साथै बैबाहिक समानतामा पैरवीको शुरुवात गर्दै सोको नितिपत्र निर्माणगरि नितिगत सुधार गर्न पैरवी गर्दे आइरहेको मुख्य आधारहरुलाई मूल्याँकन गर्दै सिटौलालाई उक्त अवार्डबाट सम्मानित गरिएको हो । सिटौलासँगै यो अर्वाड यसवर्ष पाकिस्तान, भुटान, श्रीलंका, थाइल्याण्ड, हङ्गंकङ्ग, फिलिपिन्स, भियतनाम, मलेशिया आदि राष्ट्रका विभिन्न व्यक्तिहरुलाई सम्मान ग्रिएको छ । नेपाल परिवार नियोजन संघले अवार्ड प्राप्त गरेकोमा सिटौलालाई हार्दिक बधाई र अवार्ड प्रदान गर्ने संस्थालाई धन्यवाद दिएको छ ।