फेनकेन र एनएमएबिच संस्थागत सहकार्यलाई निरन्तरता दिने समझदारी

हेल्थ टुडे,
काठमाडौं, १४ फागुन : खाद्य, आयुर्बेदिक, न्यूट्रास्युटिकल तथा कस्मास्युटिकल एसोसिएसन (फेनकेन ) र नेपाल चिकित्सक संघ (एनएमए) बिच संस्थागत सहकार्यलाई निरन्तरता दिने समझदारी भएको छ । फेनकेन र एनएमएको केन्द्रिय कार्यसमितिको हालै बसेको संयुक्त बैठकले न्यूट्रास्युटिकल फूड सप्लिमेन्ट्सलाई स्थापित गर्न अगामी दिनमा बिगतका वर्षहरुझै संस्थागत सहकार्य गरेर अगाडि बढ्ने समझदारी भएको फेनकेनका अध्यक्ष सुरेन्द्र मानन्धरले जानकारी दिए । फूड सप्लिमेन्ट्स औषधिको प्याकमा नेपाल भित्रिने भएकाले त्यसको अनुगमन स्वास्थ्य तथा जनसंख्या मन्त्रालय मातहतको औषधि व्यवस्था विभाग मार्फत हुनु पर्ने औषधि उत्पादकहरुले माग गर्दै आइरहेका छन् भने फूड सप्लिमेन्ट्स व्यवसायी भने फूड सप्लिमेन्ट्सको अनुगमन गर्ने निकाय कृषि मन्त्रालय मातहतको खाद्यप्रविधि तथा गुण नियन्त्रण विभाग भएकोले स्वास्थ्यले हस्तक्षेत्र गर्न नमिल्ने दावी गर्दै आएका छन । कानून अनुसार नेपालमा खाद्य पदार्थ र त्यस सम्बन्धी पदार्थको अनुगमन, दर्ता, परिक्षण सबै गर्ने काम खाद्यप्रविधि तथा गुण नियन्त्रण विभागलाई दिइएको छ । फूड सप्लिमेन्ट्सलाई औषधि व्यवस्था विभागको दायराभित्र ल्याउनै नसकिने विज्ञहरु बताउछन । चिकित्सक संघले पनि बिगतमा फूड सप्लिमेन्ट्स औषधि नभएर पौष्टिक आहारको पूर्ति गर्ने खाद्य पदार्थ भएकोले औषधि व्यवस्था विभागले अनुगमन गर्न नमिल्ने सल्लाह दिएको थियो ।