क्षयरोगका कारण नेपालमा वर्षेनी १७ हजार जनाको मृत्यु

हेल्थ टुडे,
भक्तपुर, ८ चैत नेपालका क्षयरोगका कारण वर्षेनी १७ हजार जनाको मृत्यु हुने गरेको छ । राष्ट्रिय क्षयरोग केन्द्रले बुधबार आयोजना गरेको पत्रकार सम्मेलनमा केन्द्रका निमित्त निर्देशक डा. नविन प्रकाश शाहले क्षयरोगका कारण बर्षेनी १७ हजारको ज्यान गइरहेको बताए । केन्द्रका अनुसार नेपालमा अहिले एक लाख १७ हजार क्षयरोगका विरामी छन् । डा. शाहका अनुुसार हरेक वर्ष नेपालमा ६९ हजार क्षयरोगका नयाँ विरामी थपिने गरेका छन् । आर्थिक वर्ष २०७८। ७९ मा नेपालमा ३७ हजार ८ सय ६१ जना उपचारका लागि दर्ता भएको बताउदै डा. शाहले उपचारमा आएका मध्ये ९१ प्रतिसतको उपचार सफल भएको दावी गरे ।
केन्द्रका कार्यक्रम प्रमुख सरद शर्माले अहिले पनि ३२ हजार क्षयरोगका विरामी उपचारमा ल्याउन नसकिएको बताउदै उनीहरुलाई उपचार ल्याउन सके नेपालबाट क्षयरोग निवारण गर्न सहज हुनेमा जोड दिए । सरकारले क्षयरोगको औषधि निशुल्क वितरण गर्दै आइरहेको छ । हरेक वर्ष मार्च २४ लाई विश्व क्षयरोग दिवसका रुपमा मनाइने गरिन्छ । नेपालमा पनि शुक्रबार विभिन्न कार्यक्रमको आयोजना गरि विश्व क्षयरोग दिवस मनाइने तयारी गरिएको केन्द्रका निमित्त निर्देशक डा. शाहले जानकारी दिए ।
kinemaster for pc download
matched betting italia crack