लोमस फार्मास्युटिकल्सले उत्पादन गरेको औषधि ’ओनो सिरप’ बिक्रीमा रोक

हेल्थ टुडे,
काठमाडौं, २२ माघ : लोमस फार्मास्युटिकल्स प्रालिले उत्पादन गरेको ओनो सिरपको बिक्रीमा औषधि व्यवस्था विभागले रोक लगाएको छ । विभागले एक सूचना जारी गर्दै उक्त औषधिको बजारबाट नमुना ल्याएर परीक्षण गर्दा मापदण्ड अनुसार नपाइएको बताएको छ । लोमस फार्मास्युटिकल्स प्रालिले उत्पादन गरेको ओनो सिरपकाे बिक्रीमा औषधि व्यवस्था विभागले रोक लगाएको छ । विभागले एक सूचना जारी गर्दै उक्त औषधिको बजारबाट नमुना ल्याएर परीक्षण गर्दा मापदण्ड अनुसार नपाइएको बताएकाे छ ।
उक्त सूचनामा लेखिएकाे छ, “विभागले बजार अनुगमनकाे क्रममा संकलन गरिएका औषधिकाे नमुना औषधि प्रयाेगशालाबाट परिक्षण गर्दा काठमाडाैंकाे गाेठाटारस्थित लाेमस फार्माक्यूटिकल्स प्रा.लि.बाट उत्पदित ONO Syrup (Each 5 ml contains Ondansetron HCL USP eq. to Ondansetron 2 mg) Batch No.ONSO123 Mfg Date: Mar-2023 Exp Date: Aug-2024 औषधिकाे प्राप्त विश्लेषण प्रतिवेदन “Doesn’t Comply as per IP 2022 with respect to description/Physical Condition of Sample” भनि उल्लेख भएर आएको छ ।”
उक्त ब्याच नं ONSO123 को नमूना राष्ट्रिय औषधि प्रयोगशालामा परीक्षण गर्दा मापदण्ड अनुसार नपाइएको भन्दै विभागले बिक्रीमा रोक लगाइएको छ । विभागले अब अर्काे आदेश नभएसम्मकाे लागि बिक्री तथा वितरण राेक्न अनुराेध गरेकाे हाे । यसका साथै लिकेजकाे सम्बन्धमा विस्तृत इन्भेष्टिगेसन रिपाेर्ट सहित उक्त उद्दाेगका मुख्य प्राविधिक व्यक्ति १५ दिन भित्र विभागमा उपस्थित हुन पनि सूचित गरिएकाे छ । उक्त औषधि वाकवाकी र उल्टीको उपचारका लागि प्रयोग गर्ने गरिएकाे छ ।
गत साता पनि लोमसको उत्पादन सेटोफेन (प्यारासिटामोल) ट्यावलेटको CT-2023 ब्याचको औषधि बजारबाट फिर्ता गर्न विभागले निर्देशन दिएको थियो । लोमसका कार्यकारी प्रज्ज्वलजंग पाण्डे नेपाल औषधि उत्पादक संघका पुर्व अध्यक्ष हुन ।