विषदीयुक्त खानपानकै कारण अबको १० वर्षमा ३३ प्रतिसतलाई क्यान्सर हुनसक्छ : डा. राव

हेल्थ टुडे,
काठमाडौं, २२ बैसाख : भारतको बैंङ्लोरमा रहेको एचसिजी क्यान्सर हस्पिटलका हेड एण्ड नेक सर्जिकल ओन्कोलोजी र रोबोटिक सर्जरी विभाग प्रमुख क्यान्सर रोग विज्ञ डा. विशाल रावले दक्षिण एशियाका देशहरुमा खानपानकै कारण अबको १० वर्ष भित्र ३३ प्रतिसत व्यक्तिमा क्यान्सर लाग्न सक्ने जोखिम रहेको बताएका छन् । एक्सन नेपालसँगको सहकार्यमा एचसिजी क्यान्सर अस्पतालले शनिबार काठमाडौंमा आयोजना गरेको पत्रकार सम्मेलनमा डा. रावले खेतबारीमा अन्नबाली र फलफूल उत्पादन गर्दा प्रयोग गरिने अत्यधिक विषादीको प्रयोग र ती विषादीयुक्त अन्न, सागसब्जी र फलफुलको सेवनले मानिसमा क्यान्सरको जोखिम बताएको बताएका हुन । डा. रावले भने, ‘खेतवारीदेखि सुरु भएर हाम्रो खाने थालसम्म पुग्दा विभिन्न चरणमा प्रयोग भइरहेको विषादीका कारण अवको १० वर्ष भित्र दक्षिण एशियाली देशको कुल जनसंख्याको एक तिहाईलाई क्यान्सरको जोखिम छ । ’
बेलैमा बिषादीको प्रयोग रोक्न पहल नगर्ने हो भने स्थिति भयाभव हुने डा. रावले बताए । जनतामा जनचेतना बिस्तार गर्ने काममा मिडियाको भूमिका महत्वपूर्ण हुने भन्दै उनले नेपाल र भारत दुबै देशका स्वास्थ्य पत्रकारहरुले विषादीले स्वास्थ्यमा पारिरहेको प्रतिकूल असरका विषयमा जनचेतना बिस्तार गर्नु पर्नेमा जोड दिए । सरकारले क्यान्सर अस्पतालको संख्या बढाउनु भन्दा घटाउनेतिर ध्यान दिनु आवश्यक रहेको बताउदै विषादी प्रयोग गर्ने किसानहरुमा विषादीले स्वास्थ्यका पार्ने प्रभावका बिषयमा यथेष्ट जानकारी दिनु पर्ने र गर्नै पर्ने अवस्थामा कुन अन्नबालीका कति बिषादी प्रयोग गर्ने भन्न बिषयमा तालिम दिनु पर्ने आवश्यकता रहेको औल्याए । धूम्रपान सेवनका कारण क्यान्सरका विरामीको संख्या बढी रहेको दावी गर्दै डा. रावले भारतको कर्नाटका सरकारले इहुक्कामा प्रतिवन्ध लगाएको जानकारी दिए । क्यान्सर विरुद्वको अभियानमा नेपाल सरकारसँग सहकार्य गरेर अगाडि बढ्न आफु तयार रहेकमो डा. रावले बताए । डा. राव भारतको स्वास्थ्य मन्त्रालय र कर्नाटका सरकारको पनि स्वास्थ्य सल्लाहकार हुन ।