मंकीपक्सको माहामारी फैलिएपछि डब्लूएचओद्वारा स्वास्थ्य आपतकाल घोषणा

हेल्थ टुडे, ऐजेन्सीहरु,
काठमाडौं, ३१ साउन : अफ्रिकी मुलुकहरुमा मंकीपक्सको महामारी फैलिएपछि विश्व स्वास्थ्य संगठन (डब्लूएचओ) ले स्वास्थ्य आपतकाल घोषणा गरेको छ ।बुधबार बसेको अन्तर्राष्ट्रिय स्वास्थ्य निमामकको आपतकालीन कमिटीको बैठकमा सदस्यहरुको सुझावपछि डब्लूएचओका महानिर्देशक डा. टेड्रोसले स्वास्थ्य आपतकाल घोषणा गरेका हुन । अफ्रियाका अधिकांश मुलुकमा मंकीपक्सको महामारी फैलिएपछि आपतकाल घोषणा गरिएको डब्लूएचओले जनाएको छ ।
कुनै रोगको संक्रमण तीव्ररुपमा फैलिने जोखिम देखेमा डब्लूएचओले अन्तर्राष्ट्रिय कानुन अनुसार स्वास्थ्य आपतकाल घोषणा गर्दछ ।
अति संक्रामक रोग एमपक्स अफ्रिका महाद्वीपको कंगोबाट सुरु भएको थियो । यसको संक्रमण हाल बुरुण्डी, केन्या, रुवान्डा र युगाण्डासम्म फैलिसकेको छ । यसबाट ५२४ जनाको मृत्यु भइसकेको र १४ हजारभन्दा बढीमा संक्रमण पुष्टि भएको छ । यो रोग सरुवा रोग हो । स्वासप्रस्वासका माध्यमबाट सक्ने रोग भएकाले सतर्क रहन विज्ञहरुले सल्लाह दिएका छन् । अफ्रिकी मुलुकहरु अहिले पनि सरुवा रोगको उच्च जोखिममा रहेका छन् ।