१२ देशका चिकित्सक संघ आवद्व सिएमएएओको अध्यक्षमा डा.कार्की निर्वाचित

हेल्थ टुडे,
काठमाडौं, ११ भदौ : विश्वका १२ देशका मेडिकल एसोसिएसन परिसंघको अध्यक्षमा नेपाल चिकित्सक संघका अध्यक्ष डा. अनिल विक्रम कार्की निर्वाचित भएका छन् । कन्फडरेसन अफ मेडिकल एसोसिएसन इन एशिया एण्ड ओसियानिया ( सिएमएएओ) को सन् २०२५ देखि २०२६ सम्म एक वर्षका लागि डा. कार्की अध्यक्षमा निर्वाचित भएका हुन । फिलिपिन्समा २४ अगस्तदेखि सुरु भएको सिएमएएओको ३८ औं साधारण सभा तथा ५९ औं परिषद् बैठकले नेपालका डा. कार्कीलाई सर्वसम्मत रुपमा अध्यक्ष निर्वाचित गरेको हो । सिएमएएओमा नेपाल सहित थाइल्याण्ड, ताइवान, फिलिपिन्स, सिंगापुर, कोरिया, मलेसिया, इन्डोनेशिया, म्यानमार, जापान र अष्टेलिया सदस्य छन् । सिएमएएओको ३९ औं साधारण सभा सन् २०२५ मा पहिलो पटक नेपालमा आयोजना हुनेछ । सिएमएएओको ३८ औं सधारण सभामा नेपाल चिकित्सक संघका अध्यक्ष डा. कार्की र महासचिव डा. सञ्जिव तिवारीले कार्यपत्र प्रस्तुत गरेका थिए ।