डा. राजेन्द्र बराललाई इन्डियन सोसाइटी अफ मेडिकल एण्ड पेडियाट्रिक अंकोलोजीको सम्मान

हेल्थ टुडे,
काठमाडौँ, ६ कात्तिक : नेपालका बरिष्ठ क्यान्सर रोग विशेषज्ञ डा. राजेन्द्रप्रसाद बराललाई भारतमा विशेष सम्मान गरिएको छ । क्यान्सर रोगसंग सम्वन्धित भारतका चिकित्सकहरुको सबैभन्दा ठूलो संगठन इन्डियन सोसाइटी अफ मेडिकल एण्ड पेडियाट्रिक अंकोलोजीले विशेष समारोहकाबीच गत शनिबार उनलाई सम्मान गरेको हो । डा. बराल गत शुक्रबार देखि आइतबार सम्म भारतको नयाँ दिल्लीमा आयोजना भएको इन्डियन सोसाइटी अफ मेडिकल एण्ड पेडियाट्रिक अंकोलोजी सम्मेलन २०२४ मा सहभागी हुन पुगेका थिए । सोही क्रममा डा. बराललाई सम्मान गरिएको हो ।
‘खासगरी क्यान्सर रोगको उपचारमा मैले पु¥याएको योगदानलाई उच्च कदर गर्दै सम्मान गरेको आयोजकले जनाएको छ । सरप्राइजिङ रुपमा म प्रति गरिएको सम्मानले अत्यन्त खुशी छु,’ डा. बरालले भने ।
सार्क फेडेरेसन अफ अंकोलोजिस्टका पूर्वअध्यक्ष समेत रहेका डा. बराल विगत तीन दशकदेखि क्यान्सर बिरामीको उपचारमा संलग्न छन् । उनले भक्तपुर क्यान्सर अस्पतालको निर्देशक लगायत देशका विभिन्न अस्पतालमा रहेर हजारौ क्यान्सर विरामीको सेवा गरिरहेका छन् । डा. बराल रोटरी क्लव मार्फत पनि समाजवेवामा संलग्न छन् ।