आयुर्वेद विभागको निमित्त महानिर्देशकको जिम्मेवारी डा.श्यामबाबु यादवलाई

हेल्थ टुडे,
काठमाडौं, २६ कात्तिक : आयुर्वेद तथा बैकल्पिक चिकित्सा विभागको निमित्त महानिर्देशकको जिम्मेवारी आयुर्वेद विज्ञ डा.श्यामबाबु यादवले पाएका छन् । स्वास्थ्य तथा जनसंख्या मन्त्री प्रदीप पौडेलले मन्त्रीस्तरीय निर्णय गर्दै विभागका महानिर्देशक डा.प्रदीप केसीलाई हालै विभागबाट सिंहदरबार बैद्यखानाको कार्यकारीको जिम्मेवारी दिएर सरुवा गरेपछि डा. यादवले निमित्त महानिर्देशकको जिम्मेवारी पाएका हुन । डा.यादवले यस अगाडि किर्तिपुरस्थित आयुर्वेद तालिम एवं अनुसन्धान केन्द्रको कार्यकारी निर्देशक र नरदेबी आयुर्वेद चिकित्सालयको निमित्त निर्देशक भएर कुशलतापूर्वक जिम्मेवारी बहन गरिसकेका छन् । डा.यादव आयुर्वेद चिकित्सकहरुको छाता संगठन नेपाल आयुर्वेद चिकित्सक संघको केन्द्रीय अध्यक्ष समेत हुन ।