गेटा अस्पताल कैलालीको निर्देशकमा डा.प्रमोद यादव नियुक्त

हेल्थ टुडे,
धनगढी, ७ चैत : रिक्त रहेको कैलालीको गेटा अस्पतालको निर्देशकमा डा. प्रमोद यादवलाई नियुक्त गरिएको छ । डा. अशोक श्रीपाइलीले राजिनामा दिए पछि निर्देशक पद रिक्त थियो । डा.यादवले दुई पटक ट्रमा टर्मा सेन्टरको
निर्देशकको जिम्मेवारी निर्वाह गरिसकेका छन् । उनी वीर अस्पतालमा १० औं तहमा वरिष्ठ कन्सल्टेन्टको रुपमा कार्यरत छन् । डा. यादवले जनकपुर प्रादेशिक अस्पतालमा समेत निर्देशकको रुपमा जिम्मेवारी निर्वाह गरिसकेका छन् । विगत दुई महिनादेखि गेटा अस्पतालको निर्देशकको बन्ने चर्चा चलेको थियो । अन्तिममा स्वास्थ्य मन्त्रालयले डा. यादवलाई उक्त जिम्मेवारी दिएको छ ।