एचआईभी संक्रमितका पक्षमा लाग्न विश्व बैंकलाई ज्ञापन

हेल्थ टुडे
काठमाडौः एड्स केयर फाउण्डेसन, राट्रिय एचआईभी तथा एड्स महासंघ नेपाल सहित एचआईभीका क्षेत्रमा कार्यरत संघसंस्थाहरुले नेपाललाई मध्यम आय भएको देशको रुपमा वर्गिकरण नगर्न विश्व बैंकलाई ज्ञापनपत्र दिएका छन् ।
राजधानीमा शुक्रबार आयोजना गरिएको कार्यक्रममा नेपालस्थित विश्व बैंकका प्रतिनिधिलाई भेटेर नेपाललाई निम्न आय भएको देशमै सिमित राख्न उनीहरुले दबाब दिएका हुन । मध्यम आय भएको देशको रुपमा बर्गिकरण गर्दा एचआईभी संक्रमितहरुले अहिले पाइरहेको औषधि उपचार र सुविधा कटौती भएर अवस्था दयनिय हुने भन्दै उनीहरुले एचआईभी संक्रमितको बाच्न पाउने अधिकार सुरक्षित गर्न ज्ञापन पत्र बुझाएका हुन । अहिलेसम्म विश्व बैंकले नेपाललाई न्यून आय भएको देशका रुपमा बर्गिकरण गर्दै सहयोग गर्दै आइरहेको छ । भविश्यमा मध्यम आय भएको देशका रुपमा वर्गिकरण गर्न लागेको आकलन गर्दै उनीहरुले विश्व बैंकको ध्यानाकर्षण गरेका हुन् ।

ंनेपाल जस्तो देशलाई मध्यम आय भएको देशका रुपमा वर्गिाकरण गर्दा यसको सोझो असर नेपाल जस्ता देशले स्वास्थ्यका क्षेत्रमा प्राप्त गर्दै आएको अन्तर्राष्ट्रिय सहयोगमा पर्ने भएकाले यो अभियान सुरु गरेको एड्स केयर फाउण्डेसनका कन्ट्री प्रोग्राम म्यानेजर दीपक ढुंगेलले बताए । उनले भने, ‘यसले खासगरी न्यून आय भएका देशलाई प्राप्त सहयोगबाट किनिने एचआईभी संक्रमितकालागि खुवाईने एन्टी रेट्रो भाइरल जस्तो जीवनदायी औषधीको मूल्य बढ्न जाने भएर देशले धान्न गा¥हो पर्ने हुन्छ । ’ गत नोभेम्बर ६, २०१५ मा पनि उनीहरुले विश्व बैंकलाई यस्तै ज्ञापनपत्र बुझाएका थिए ।