हेल्थ टुडे,
काठमाडौं, १४ मंसिर : बिगत डेढ महिनादेखि आन्दोलनरत् वीर अस्पतालका कर्मचारीले आफ्ना माग पूरा नभएको भन्दै अस्पताल पधाधिकारीहरुको कार्यकक्षमा ताला लगाएका छन् । कोभिड १९ जोखिम भत्ता लगायत अन्य माग राख्दै आन्दोलनमा उत्रिएका कर्मचारीहरुले यसअघि पधाधिकारीको बाटो छेक्ने काम गरेका थिए ।
४२ दिनदेखि हरेक दिन दैनिक १ घण्टा आन्दोलन गर्दा मागको बारेमा सुनुवाई नभएपछि अस्पताल पधाधिकारी, लेखा र खरीद इकाइ कक्षमा ताला लगाइएको आन्दोलनमा सहभागी तथा नेपाल स्वास्थ्यकर्मी संघ वीर अस्पतालका अध्यक्ष खुबराज आचार्यले बताए । वीर अस्पतालमा आन्दोलन चलिरहेपनि अस्पतालको सेवा भने रोकिएको छैन ।
‘हामी यहाँ आन्दोलन गर्दा अस्पतालका कर्मचारीहरु बाहिर होटलमा गएर कागजी काम गर्ने भएकाले बाध्य भएर ताला लगाएका हौ,’ आचार्यले भने, ‘तर, सेवा अवरुद्ध गरेका छैनौं ।’ तालाबन्दीले अस्पतालको सेवा प्रभावित भएको सेवाग्राहीले बताएका छन् । वीर अस्पतालमा नेतृत्वको कमजोरीले कर्मचारीले भत्ताका लागि समेत आन्दोलनमा उत्रिनु परेको आन्दोलनरत कर्मचारीले बताएका छन् ।
Leave a Reply