स्वास्थ्य तथा जनसंख्या मन्त्रीमा शेरबहादुर तामाङ, ६ महिना पनि टिकेनन् हृदयेश त्रिपाठी

हेल्थ टुडे,

काठमाडौं, २१ जेठ : स्वास्थ्य तथा जनसंख्या मन्त्रीमा शेरबहादुर तामाङ नियुक्त भएका छन् । प्रधानमन्त्री केपी शर्मा ओलीले मन्त्रीमण्डलमा फेरबदल गर्दै हृदयेश त्रिपाठीको ठाउँमा शेरबहादुर तामाङलाई स्वास्थ्य तथा जनसंख्या मन्त्री नियुक्त गरेका हुन । उनले शुक्रबार साझ पद तथा गोपनियताको सपथ ग्रहण गरेका छन । तामाङ दुई वर्ष पहिले कानून मन्त्रीबाट हटाइएका थिए । उनी सिन्धुपाल्चोकबाट निर्वाचित एमालेका सांसद हुन ।

गत पुष १० गते स्वास्थ्य तथा जनसंख्या मन्त्री नियुक्त भएका हृदयेश त्रिपाठी ६ महिना पनि स्वास्थ्यमा टिकेनन् । उनलाई कोरोना खोप ल्याउन नसकेको आरोप लागेको छ । तर  त्रिपाठीले भने आफूभन्दा कनिष्ठहरुलाई उपप्रधानमन्त्री बनाइएकाले आफू मन्त्रीमण्डलमा नबसेको बताएका छन् ।