संघीय दात तथा मुख रोग अस्पताल स्थापना सम्बन्धी कार्यशाला गोष्ठी सम्पन्न

हेल्थ टुडे,
काठमाडौं, २६ असार : आँखा,नाक,कान,घाटी तथा मुख स्वास्थ्य,उपचारात्मक सेवा महाशाखाले सरोकार तथा बिज्ञहरुसंगको एक दिने कार्यशाला गोष्ठीको आयोजनाा गरेको छ । स्वास्थ्य सेवा बिभाग काठमाडौंमा सम्पन्न भएको उक्त गोष्ठीको अध्यक्षता उपचारात्मक सेवा महाशाखाका निर्देशक डा. पवनजंग रायमाझी गरेका थिए । कार्यक्रमको माईलस्टोन, जानकारी तथा उद्देश्यका बिषयमा शाखा प्रमुख डा. प्रकाश बुढाथोकी र मस्यौदाका बिषयमा परामर्शदाता प्रा.डा.शैली प्रधानले प्रस्तुतीकरण गरेका थिए । कार्यशाला गोष्ठीलाई सम्बोधनमा स्वास्थ्य सेवा बिभागका महानिर्देशक डा.दिपेन्द्र रमण सिंहले अस्पताल स्वतन्त्र भएपनि स्वास्थ्यका अन्य बिधाहरुसंग एकिकृत गर्दे लैजानु पर्नेमा जोड दिएका थिए । निर्देशक डा. रायमाझीले एकिकृत हुन नसकेको तथा ओझेलमा परेको यस दात तथा मुख सेवा स्वास्थ्यका तल्ला तहदेखी नै शुरु गर्दै संघीय अस्पताल एक रिफरल अस्पताल बन्ने गरी निचोड निकाल्नु पर्ने सुझाव दिएका थिए ।
कार्यशाला गोष्ठीमा नेपालगन्ज,कान्तिपुर,किष्ट,काठमाडौ,नेपाल,पिपल्स डेन्टल कलेज,न्याम्स,पाटन,पोखरा प्रतिष्ठान,नीजि डेण्टल अस्पताल तथा सैनिक,शसस्त्र,प्रहरी, बीर,लुम्बिनी,बीरगन्ज,भरतपुर,भक्तपुर लगायतका अस्पतालमा कार्यरत ३० जना कन्सल्टेण्ट दन्तचिकित्सकहरु र सरोकारवालाको सहभागिता थियो । ३ वटै समुहबाट बीपीकेआईएचएस धरानका प्रा.डा. ज्योत्सना रिमाल,कान्तिपुर डेण्टल कलेजका प्रा.डा. रबिन्द्रमान श्रेष्ठ र नेसनल डेण्टल हस्पिटलका डा.अनारकली पीयाले पुन छलफल गरी मस्यौदालाई अन्तिम रुप दिईएको डा. बुढाथोकीले जानकारी दिएका छन् । अन्तिम मस्यौदा डा. श्रेष्ठले प्रस्तुत गर्दे थप छलफलसहित निचोडमा पुगिएको डा. बुढाथोकीले बताए ।
संघीयताको मर्मलाई आत्मसात गर्दे दाड, हेटौडा पछि काठमाडौ उपत्यकामा अस्पताल स्थापना गर्न र अस्पताल स्थापना गर्दा स्थानीय जनप्रतिनीधिको ईच्छाशक्ति,उपलब्ध जनशक्ति तथा मेडिकल ब्याकअप भएको स्थान छनौट गर्न सिफारिस गरेको छ । त्यस्तै संघीय दन्त अस्पताल कम्तीमा १ सय डेन्टल चियर र प्रादेशिक दन्त अस्पताल ५० डेण्टल चियर भएको दात तथा मुख रोग अस्पताल खोल्न सुझाएको छ । रोगको गाम्भिर्यता अनुसार जनशक्ति बिशेषज्ञ सेवा,ओरल हाईजिन ईकाई,दन्त ल्याब लगायतका बिभाग,जनशक्ति,सर्पाेटिभ जनशक्तिसहित प्रमुखतया सर्वसाधारणका लागी बिशेषज्ञ सेवा दिन अस्पताल खोलिनपर्ने निष्कर्ष निकालेको छ । अस्पतालले रोकथाम,उपचारात्मक,पुनस्थापना सहितका सवै दन्त सेवा एकै छानाबाट दिनपर्ने बताएको छ ।
महाशाखाको आबको स्विकृत कार्यक्रम अनुसार प्राविधिक कार्य समुहको सुझावअनुसार काठमाडौ उपत्यका,दाड उपत्यका,पोखरा र चितवनमा संभाव्यता अध्ययन गरिएको थियो । प्राविधिक कार्य समुहको बिज्ञहरुमा पुर्व स्वास्थ्य सचिव प्रा.डा. प्रविण मिश्र, डा. शुशिल कोईराला र प्रा. डा. शुरजराम भक्त माथेमा थिए ।