नेपालमा ११ प्रतिसत महिला र ४२ प्रतिसत पुरुष मदिराका अम्मली

हेल्थ टुडे,
काठमाडौं, ८ असार : नेपालमा ११ प्रतिसत महिला महिला र ४२ प्रतिसत पुरुष मदिराका अम्मली रहेको पाइएको छ । स्वास्थ्य तथा जनसंख्या मन्त्रालयको नेतृत्वमा न्यू एराले गरेको सर्वेक्षणले यो तथ्यांक देखाएको हो । त्यसैगरि ५ प्रतिसत महिला र २८ प्रतिसत पुरुषले धुम्रपान सेवन गर्ने गरेको पाइएको छ । शुक्रबार राजधानीमा आयोजना गरिएको छैटौँ जनसांख्यिक तथा स्वास्थ्य सर्वेक्षण २०२२ को अन्तिम नतिजा सार्वजनिक गरिएको छ । स्वास्थ्य तथा जनसंख्या मन्त्री मोहनबहादुर बस्नेतले सार्वजनिक गरेका हुन । १५ वर्षदेखि ४९ वर्ष समूहका १३ हजार ८ सय ३घ घरधुरीका १४ हजार ८ सय ४५ महिला र ४ हजार ९ सय १३ महिलासँग लिएको अन्तरवार्ताको आधारमा यो सर्वेक्षण सम्पन्न गरिएको स्वास्थ्य तथा जनसंख्या मन्त्रालयका सचिव डा.रोसन पोखरेलले जानकारी दिए । मन्त्रालयको नीति योजना तथा अनुगमन महाशाखामा प्रमुख डा.कृष्ण पौडेलले सर्वेक्षणको संक्षिप्त नतिजा प्रस्तुत गर्दै परिवार नियोजनका साधनको प्रयोग गर्ने दर बढ्न नसकेको, भए पनि मातृमृत्युदरमा कमि ल्याउन सकेको बताए ।
सर्वेक्षणको नतिजा हेर्दा केही केहीमा लक्ष्य प्राप्त भइसकेको र केहीमा मेहनत गर्नुपर्ने देखिएको डा.पौडेलले बताए । स्वास्थ्य तथा जनसंख्या मन्त्री मोहनबहादुर बस्नेतले तथ्यांकले भावि योजना बनाउन सहयोग पुग्ने बताए ।