कसैले वास्ता नगरेपछि डा.गोविन्द केसीले २२ औँ अनसन तोडे

हेल्थ टुडे,
काठमाडौं, ३ जेठ : कसैले वास्ता नगरेपछि डा.गोविन्द केसीले आफ्नो २२ औँ अनसन एकतर्फी रुपमा तोडेका छन् । विभिन्न चार सुत्रिय माग राखेर अनसन बसेका केसीले कतैबाट पनि समर्थन नपाएपछि बिहीबार एकतर्फी रूपमा अनसन तोडेका हुन । त्रिवि शिक्षण अस्पतालमा पत्रकार सम्मेलन गर्दै उनले २२ ‍औं अनसन तोडेको बताएका हुन् ।
डा. केसीले ४ बुँदे माग राखेर पशुपतिको मृगस्थलीबाट अनसन थालेका थिए । पशुपति मृगस्थलीमा अनसन थालेका केसीले प्रधानमन्त्री पुष्पकमल दाहाल प्रचण्डलाई युद्ध अपराधी भन्दै पदबाट राजीनामाको मागलाई पहिलो नम्वरमा राखेका थिए ।
उनलाई सशस्त्र द्धन्द्धको बेला माओवादीबाट मारिएका ओखलढुंगाका उज्जन र गणेश श्रेष्ठकी बहिनी साबित्री श्रेष्ठको हातबाट जुस पिएर अनसन तोेडाएका थिए । यसअघिका अनसनमा उनको पक्षमा सडकमा प्रदर्शन गर्ने तथा अभियान चलाउने अभियन्ता,राजनीतिक दलका नेता,पत्रकारदेखि उनकै समर्थकहरु समेत यसपटक अनसनको समर्थनमा कतै देखिएका थिएनन् । उनकै अनसनका कारण नेपालमा चिकित्सा शिक्षा पढ्न नपाएर हजारौ विद्यार्थी चिकित्सा शिक्षा पढन् विदेश जानु परिरहेको आरोप डा. केसीलाई लाग्ने गरेको छ ।