अर्को हप्ताबाट वीरको इमरजेन्सी नयाँ भवनमा सर्छ : स्वास्थ्य मन्त्री यादव

हेल्थ टुडे,
काठमाडौं, १७ असार : स्वास्थ्य तथा जनसंख्या मन्त्री प्रदीप यादवले अर्को हप्तादेखि वीर अस्पतालको इमरजेन्सी सेवा नयाँ भवन (सर्जिकल भवन) बाट सञ्चालनमा आउने बताएका छन् । सोमबार मन्त्रालयमा आयोजित पत्रकार सम्मेलनमा मन्त्री यादवले वीर अस्पतालको पुरानो भवनमा रहेको इमरजेन्सीको अवस्था बेहाल देखेपछि त्यसलाई नयाँ सर्जिकल भवनमा सार्न निर्देशन दिएको बताए । मन्त्री यादवले केही दिन पहिले वीर अस्पतालको अवलोकन भ्रमण गर्दा इमरजेन्सी र त्यहाँ उपचाररत विरामीको अवस्था बेहाल भएको पाएपछि नयाँमा सार्न निर्देशन दिएका थिए । निर्देशन दिएको लामो समय वितिसक्दा समेत वीरको् नेतृत्वले इमरजेन्सी सार्न जागर नदेखाएपछि पत्रकार सम्मेलनमा सञ्चारकर्मीले मन्त्री यादवसंग जवाफ मागेका थिए । यादवले आफुले वीर अस्पतालको ईमरजेन्सी विभागको बेहाल अवस्था र त्यहाँ उपचाररत विरामीको अवस्था देखेपछि आफ्नो आँखामा आशु आएको बताउँदै नयाँ भवनमा सार्न निर्देशन दिएको बताए । स्वास्थ्यमा थुप्रै समस्या भएको स्विकार्दै मन्त्री यादवले अहिलेको अस्थिर राजनीतिमा सुधारका ठूला ठूला कुरा संभव नभए पनि जनतालाई महसुस हुने काम गर्न आफु लागिपरेको दावी गरे । औषधि र फार्मेसी क्षेत्रमा देखिएका समस्या समस्या समाधन गर्न अतिरिक्त सचिव डा. विकाश देवकोटाको संयोजकत्वमा अध्ययन समिति ्गठन गरेको बताउदै त्यसले समस्या पहिचान र समाधनको प्रष्ठ चित्र अगाडि आउने बताए । स्वास्थ्य मन्त्री यादवले स्वास्थ्य क्षेत्रमा जनशक्तिको अभाव कम गर्न आफु लागिपरेको बताउदै बताउदै लामो समय एउँटै स्थानमा बसेका र कार्यक्षमता कमजोर भएका कर्मचारीहरुलाई साउनदेखि सरुवा गर्ने तयारीमा आफु रहेको जानकारी दिए । मन्त्रीको जिम्मेवारीमा रहदासम्म इमान्दारिताका स्वास्थ्य सुधारका लागि काम गर्ने दोहर्याउदै सञ्चारकर्मी सहित सबैको सकारात्मक सहयोगको अपेक्षा आफुले गरेको मन्त्री यादवले बताए ।