एक्सप्लोर हेल्थ केयरका अध्यक्ष पाण्डे विश्व शान्तिदूत अवार्डबाट सम्मानित

हेल्थ टुडे,
काठमाडौं, ९ भदौ : एक्सप्लोर हेल्थ केयरका अध्यक्ष कृष्ण पाण्डे विश्व शान्तिदूत अवार्ड २०२४ बाट सम्मानित भएका छन् । स्विडेनको राजधानी स्टकहोममा आयोजना गरिएको विश्व शान्ति फाउण्डेसनको विश्व सम्मेलनमा पाण्डे उक्त अवार्डबाट सम्मानित भएका हुन । विश्व शान्ति, समाज सेवा र समाजिक सुरक्षाका क्षेत्रमा उत्कृष्ठ कार्य गर्ने विभिन्न देशका ११ जनालाई उक्त अवार्ड प्रदान गरिएको हो । समारोहमा नेपालबाट पाण्डे सहित अमेरिका, जर्मनी, फ्रान्स, भारत, मंगोलिया, स्विडेन, बेलायत, मलेसिया लगायतका व्यक्तित्वहरुलाई सम्मानित गरिएको थियो । स्वास्थ्य पर्यटनको माध्यमबाट नेपालको स्वास्थ्य सेवालाई विश्वमाझ चिनाउन पनि पाण्डे उत्तिकै सक्रिय रहेका छन् । पाण्डे युनाईटेड ईकोनोमिक फोरम, एक्सप्लोर प्रोडक्टिव चेम्बर अफ कमर्स र इपिसिसि ग्लोबल लिका पनि सस्थापक अध्यक्ष हुन । विश्व शान्ति फाउण्डेसनको विश्व सम्मेलनमा नेपालबाट यस किसिमको अवार्ड पाउनु संस्था र देशकै लागि गौरवको कुरा भएको एक्सप्लोर हेल्थ केयरले जनाएको छ ।