जिल्ला अस्पतालमा विरामी भन्दा गोरुहरुको भिड

हेल्थ टुडे

मलंगवा, १७ मंसिर : यो हो, सर्लाहीको मलंगवास्थित सर्लाही जिल्ला अस्पताल । अस्पताल परिसर बैलगाडाले भरिएको छ । एउटाँमात्र एम्बुलेन्स छ । अस्पताल आउने अधिकांश गम्भिर प्रकृतिका विरामी यिनै बैलगाडामा ल्याउने गरिन्छ । अस्पतालका सिनियर स्टाप अनुज शाह भन्छन, ‘ यहाँका लागि बैलगाडा नै भरपर्दो एम्बुलेन्स हो ।’ गाउँतिर कुनै व्यक्ति विरामी पर्दा एम्बुलेन्स खोज्न भन्दा सजिलो र भरपर्दो हुने भएकाले यहाँका बासिन्दा बैलगाडालाई नै एम्बुलेन्स भन्ने गरेको शाह बताउँछन् । बैलगाडामा टाढा टाढाबाट विरामी आउँछन । तर कहिलेकाही गम्भिर प्रकृतिका विरामीलाई भने बैलगाडाको यात्रा सहज हुदैन ।

तत्काल अस्पताल पुर्याउनु पर्ने प्रकृतिका विरामीका लागि बैलगाडा उपयुक्त नहुने भए पनि एम्बुलेन्स पाउनै मुस्किल भएकाले बैलगाडामै विरामी ल्याउनु परेको असौरियाका विनायक महतो बताउछन् । एम्बुलेन्स महंगो हुने भएकाले पनि आफूहरुले विरामी अस्पताल ल्याउदा बैलगाडालाई नै प्राथमिकता दिने गरेको उनले बताए । जिल्ला अस्पतालमा आउने ९० प्रतिसत टाढाका विरामी यिनै बैलगाडामा चढेर आउछन । बैलगाडाका कारण अस्पताल परिसर फोहोर हुने गरेको छ । यसका साथै अनावश्यक भिडले उपचारमा समेत बाधा पर्ने गरेको अस्पतालकी सिनियर स्टाप नर्स देविका चौधरी बताउछिन् ।

सर्लाहीका अलावा तपाईका अधिकांश जिल्लामा उपचारका लागि विरामी अस्पताल ल्याउदा बैलगाडामा राखेर ल्याउने गरिन्छ । तर अस्पताल पुर्याएपछि तिनको व्यवस्थापन नहुदा अस्पतालको वातावरण नै बिग्रेको स्वासथ्यकर्मि बताउछन् । यसका साथै गम्भिर प्रकृतिका विरामीका लागि एम्बुलेन्सको बिकल्प बैलगाडा हुन नसक्ने चेतना समेत स्थानिय वासिन्दामा बिस्तार गर्नु आवश्यक रहेको सरोकारवाला बताउँछन् ।