गण्डकी प्रदेशमा यसै वर्ष ३ वटा हाइवे मोवाइल हस्पिटल

हेल्थ टुडे, कास्की, १४ फागुन । गण्डकी प्रदेश समाजिक विकास मन्त्रालय स्वास्थ्य महाशाखाले जनताको प्रत्यक्ष स्वास्थ्य सेवालाई ध्यानमा राखेर स्वास्थ्यका कार्यक्रम अगाडि बढाई रहेको छ । स्वास्थ्य महासाखाले एयर लिफ्टिङदेखि हाइवे मोवाइल हस्पिटल, खोप कोषदेखि विसादीरहित खाद्य तथा पोषण प्रवर्धन कार्यक्रम सञ्चालन गर्न आवश्यक बजेट समेत विनियोजन गरिसकेको छ ।

समाजिक विकास मन्त्रालयका प्रवक्ता प्रकाशराज शर्माका अनुसार मन्त्रालयले आपतकालिन हवाई उद्दारका लागि २० लाख रुपैया विनियोजन गरिएको र एकजनाको हवाई उद्दार गरि काठमाडौ उपचार गरि ज्यान बचाउन सफल भएको बताए । त्यसै गरि मन्त्रालयले दमौलाी अस्पताल, वालिङ प्राथमिक स्वास्थ्य केन्द्र र पर्वतको तिलार स्वास्थ्य चौकीलाई हाइवे मोवाइल हस्पिटलको रुपमा विकास गर्न लागिएको शर्माले जानकारी दिए । त्यसका लागि एक करोड ५० लाख रुपैया विनियोजन गरिएको छ ।

सडक दुर्घटना हुदा त्यही उपचार गर्न सकियोस र थप उपचारका लागि अन्य रेफरल हस्पिटल लैजादा सुविधा युक्त एम्बुलेन्स सेवा उपलब्ध होस भन्ने अभिप्रायले हाइवे मोवाइल हस्पिटलको अवधारणा ल्याइएको शर्माले बताए । त्यसैगरि मन्त्रालयले २ करोड रुपैयाको छुट्टै खोप कोषको स्थापना गरेको छ । महामारीका बेला केन्द्र सरकारले खोप पठाउन ढिलाई हुदा वा अन्य आकस्मिक रोगको प्रकोप नियन्त्रणका लागि खोप कोष स्थापना गरिएको मन्त्रालयले जनाएको छ ।

पछिल्ला दिनमा बिशादीयुक्त खाद्य पदार्थलाई क मगर्न र पोषणको अवस्था सुधार गर्न मन्त्रालयले विसादी रहित खाद्य तथा पोषण प्रवर्धन कार्यक्रम सञ्चालन गर्न लागेको छ । यो कार्यक्रम अन्तरगत प्रदेशका नीति निर्माता, जिल्लाका प्रतिनिधि, स्थानिय प्रतिनिधि र समुदायलाई बिषादी सहित खाद्य पदार्थको उत्पादनमा जोड दिन जनचेतना र प्रशिक्षण समेत दिइने शर्माले जानकारी दिए । यो कार्यक्रमका लागि मन्त्रालयले ८५ लाख रुपैया बजेट बिनियोजन गरिसकेको छ ।

मन्त्रालयले सहरी स्वास्थ्य, सामुदायिक स्वास्थ्य एकाई र बर्थिड सेन्टर स्थापनालाई पनि प्राथमिकतामा राखेको छ । यसका लागि ५ करोड रुपैया छुट्याइएको छ । यो बजेट मार्फत एक सय वटा इकाई स्थापना हुने छन् ।