हेल्थ टुडे,
काठमाडौ,२ चैतः राष्ट्रिय जनस्वास्थ्य प्रयोगशाला टेकुमा कार्यरत ल्याव टेक्निसियन (नायब सुब्बा) सरोज रोका घुस रकमसहित पक्राउ परेका छन्।
शुक्रबार टंगालबाट गएको अख्तियारको टोलीले उनलाई सेवाग्राहीसंग घुस लिँदालिदै पक्राउ गरेको अख्तियार दुरुपयोग अनुसन्धान आयोगले जनाएको छ । उनलाई कार्यालय परिसरबाटै २२ हजार घुस लिदै गर्दा पक्राउ गरिएको हो ।
मेडिकल सेन्टर सेवा बिस्तार गर्ने प्रयोजनका लागि नियमानुसार गर्नुपर्ने काममा आलटाल गरी सेवाग्राहीसँग घुस रकम माग गरिरहेको भन्ने उजुरीको आधारमा अख्तियारको टोलीले उनलाई सेवाग्राहीसँग २२ हजार घुसबापतको रकम लिईसकेको अवस्थामा नियन्त्रणमा लिएको आयोगका प्रवक्ता प्रदीपकुमार कोइरालाले जानकारी दिएका छन् ।
उनीमाथी थप अनुसन्धान भईरहेको अख्तियारले जनाएको छ ।
Leave a Reply