स्वास्थ्य सेवा विभागका महानिर्देशक डा. दीपेन्द्ररमण सिंहको पद बहाली

हेल्थ टुडे,

काठमाडौं, २३ जेठ : स्वास्थ्य सेवा विभागका नव नियुक्त महानिर्देशक डा. दीपेन्द्ररमण सिंहले टेकुस्थित विभागको कार्यालयमा पद बहाली गरेका छन् । उनलाई विभाग र अन्य महासाखाका प्रमुख तथा कर्मचारीले स्वागत गरेका थिए । स्वास्थ्य तथा जनसंख्या मन्त्रालयलले डा. सिंहलाई हिजो महानिर्देशकको जिम्मेवारी दिएको थियो । विभागका पूर्व महानिर्देशक महेन्द्रप्रसाद श्रेष्ठलाई साडे तिन महिनामा नै सरुवा गर्दै डा. सिंहलाई महानिर्देशक बनाइएको हो । पदबहाली कार्यक्रममा बोल्दै महानिर्देशक सिंहले कोरोना भाइरसको संक्रमण बढी रहेको संकटका बेला आफूले जिम्मेवारी सम्हालेको बताउदै कोरोना विरुद्वको लडाई सबै मिलेर जित्नु पर्नेमा जोड दिए । सबैको साथ र सहयोगले अहिलेको संकटको घडी पार लगाउन सफल हुने विश्वास सिंहले व्यक्त गरे । त्यसै गरि आजै व्यवस्थापन महासाखाको निर्देशकको जिम्मेवारी पाएका डा. रमेश खरेलले पनि पद बहाली गरेका छन । भोगेन्द्र डोटेललाई मन्त्रालय सरुवा गरेर स्वास्थ्य तथा जनसंख्या मन्त्री भानुभक्त ढकालले हिजो मात्र डा. खरेललाई व्यवस्थापन महासाखाको निर्देशक नियुक्त गरेका हुन ।