हेल्थ टुडे,
काठमाडौँ, १७ असार : नेपाल स्वास्थ्य अनुसन्धान परिषद्को आयोजनामा स्वास्थ्य तथा जनसंख्या बैज्ञानिकहरुको सातौं समिट बिहीबारदेखि भर्चुअल रुपमा सुरु भएको छ । दुई दिनसम्म चल्ने उक्त समिटको उद्घाटन स्वास्थ्य तथा जनसंख्या मन्त्री कृष्णगोपाल श्रेष्ठले गरेका हुन । आयोजक नेपाल स्वास्थ्य स्वास्थ्य अनुसन्धान परिषदले आफ्नो सभाहलमा सिमिति अतिथिहरुलाई भौतिक रुपमा आमन्त्रण गरेर समिटको पहिलो दिनको उदघाटन् कार्यक्रम सम्पन्न गरेको हो ।
समिटको मुख्य वक्ताको रुपमा विश्व स्वास्थ्य संगठन (डव्लुएचओ) दक्षिणपूर्वी एसिया क्षेत्रका निर्देशक डा पुनम क्षेत्रपाल सिंहले कोभिड १९ को संक्रमण नियन्त्रण गर्नका नेपाली चिकित्सकहरुको अथक प्रयास र नेपाली जनताको अनुशासन पालनको प्रशंसा गर्दै कोभिड १९ को संक्रमण दर घट्दै जानु खुशीको कुरा भएको बताइन । उनले कोभिड १९ को संक्रमण अझै समाप्त भइनसेकाले यसका बिषयमा अझै अध्ययन अनुसन्धान र सतर्कतामा ध्यान दिन आवश्यक रहेको बताइन । नेपालमा भइरहेको स्वास्थ्य तथा जनसंख्या बैज्ञानिक समिटले स्वास्थ्य अनुसन्धानका क्षेत्रमा ठोस प्रमाण सार्वजनिक गर्ने विश्वास व्यक्ति गर्दै डा. सिंहले समिट सफलताको शुभकामना व्यक्त गरेकी थिइन ।
स्वास्थ्य तथा जनसंख्या मन्त्री श्रेष्ठले परिषद्लाई स्वास्थ्य अनुसन्धानका क्षेत्रमा अझै क्रियाशिल रहनु पर्नेमा जोड दिएका थिए ।
कार्यक्रममा परिषदका अध्यक्ष प्राडा गेहनाथ बराल र उपाध्यक्ष प्राडा गौरबराज ढकालले सम्मेलनको उपलब्धीका बिषयमा चर्चा गरेका थिए ।
समिटमा स्वदेशी तथा विदेशी अनुसन्धानकर्ताहरुले आफ्नो खोज तथा अनुसन्धानका बारेमा ४७ वटा अनुसन्धान मुलक कार्यहरुको मौखिक प्रस्तुति , १९ वटा पोस्टर प्रस्तुति र २४ वटा आमन्त्रित प्रस्तुति रहेको परिषद्का सदस्य सचिव डा. प्रदीप ज्ञवालीले जानकारी दिए ।
समिटको पहिलो दिनमा कोभिड १९ र जनस्वास्थ्य संकट, नसर्ने रोग तथा स्वास्थ्य प्रणाली र नीति सम्वन्धी आमन्त्रीत विज्ञहरु र प्रस्तुतकर्ताहरुको प्रस्तुति रहनेछ । यस्तै समिटको दोस्रो दिन स्वास्थ्य तथा जनसंख्याका विभिन्न ६ वटा विधाहरुमा प्रस्तुति हुनेछन् ।
जसमा मातृ तथ नवजात शिशु, बाल स्वास्थ्य तथा जेष्ठ नागरिक स्वास्थ्य, कार्यान्वनात्मक अनुसन्धान, संक्रामक रोगहरु, षोषण, मानसिक स्वास्थ्य र दुब्र्यशन, बाताबरणीय स्वास्थ्य, औषधिजन्य र बायोमेडिकल अनुसन्धान लगायतका विषयहरुमा प्रस्तुतिकरण हुनेछ ।
समिटको समापनमा विभिन्न ९ जना उत्कृष्ठ अनुसन्धानकर्तार्लाइ अवार्डद्धारा सम्मानित गरिनेछ । प्रधानमन्त्री केपी शर्मा ओलीले समिट सफलताका लागि शुुभकामना सन्देश पठाएका थिए ।
