कोराना संक्रमितको संख्या ४२ पुग्यो, एकै दिन उदयपुरमा ११ जनामा संक्रमण, ५ औं संक्रमित धनगढी अस्पतालबाट डिस्चार्ज

हेल्थ टुडे,
काठमाडौं, ९ बैसाख: नेपालमा कोराना भाइरस संक्रमितको संख्या ४२ पुगेको छ । स्वास्थ्य तथा जनसंख्या मन्त्रालयले आज एकैदिन उदयपुरमा ११ जनामा कोरोना पोजेटिभ देखिएको विज्ञप्ति मार्फत पुष्टि गरेको छ । मन्त्रालयले नेपालमा संक्रमितको संख्या ४२ पुगेको र ५ जना निको भएर घर फर्किसकेको जनाएको छ ।
उदयपुरबाट संकलन गरिएको नमुना परिक्षणमा ११ जनामा संक्रमण देखिएको हो । उदयपुरमा मात्र संक्रमितको संख्या २३ पुगेको छ । यस अगाडि त्यहाँ १२ जनामा संक्रमण देखिएको थियो ।
त्यसैगरि कोरोना संक्रमित पाँचौ व्यक्ति सुदूरपश्चिमको कैलालीस्थित सेती प्रादेशिक अस्पतालमा उपचार गराइरहेका पुरुष आज निको भएर डिस्चार्ज भएका छन । उनी सुदूरपश्चिमका पहिलो कोरोना संक्रमित हुन ।
३४ युवक मंगलबार साँझ सञ्चो भएर अस्पतालबाट घर फर्किएको अस्पतालका प्रवक्ता डा जगदीश जोशीले जानकारी दिए ।
दुबईबाट आएका उनी चैत ११ गते सेती प्रादेशिक अस्पताल धनगढीमा भर्ना भएका थिए । चैत १४ गते कोरोना पुष्टि भएको थियो । सुदूरपश्चिममा ५ जना संक्रमित रहेकोमा दुई जना निको भएर घर फर्कीसकेका छन । ३ जनाको उपचार भइरहको र उनीहरुको स्वास्थ्य अवस्था समान्य रहेको अस्पतालले जनाएको छ ।