हेल्थ टुडे,भक्तपुर,१४ फागुन । खानेपानी मन्त्री बिना मगरले स्तन र पाठेघरको स्वास्थ्य जाँच गराएकी छन् । नियमित स्वास्थ्य जाँच अन्तरगत उनले सोमबार भक्तपुर क्यान्सर अस्पतालमा स्तन र पाठेघरको मुखको क्यान्सरको पनि जाँच गराएकी हुन । 
उनको स्वास्थ्य जाँच अस्पतालकी स्त्रीरोग विशेषज्ञ डा.सृष्टि श्रेष्ठ नेतृत्वको टोलीले गरेको थियो । अस्पतालका मेडिकल डाइरेक्टर डा.ऋषिकेषनारायण श्रेष्ठले मन्त्री मगरले नियमित स्वास्थ्य जाँचसँगै पाठेघर र स्तनको समेत परीक्षण गराएको जानकारी दिए ।
उनका अनुसार मन्त्री मगरको नियमित स्वास्थ्य जाँचको लागि रगत लिइएको छ । त्यस्तै अल्ट्रासाउन्डसमेत गराएको छ । नियमित स्वास्थ्य परीक्षणको पूर्ण विवरण दुईतीन दिनमा आउने उनले जानकारी दिए ।
Leave a Reply