चुनावी प्रचारमा स्वास्थ्य खत्तम

हेल्थ टुडे

व्यस्त र सफल नायिकाको छवि बनाएकी करिष्मा मानन्धरको परिचय अब नयाँ शक्ति पार्टीकी नेतृका रुपमा पनि भएको छ । यो पटक उनी नयाँ शक्तिका लागि भोट माग्दै विभिन्न जिल्लाका आमसभामा सहभागी भइन् । घरदैलो गरिन । व्यक्तिगत रुपले पनि मतदातासँग नयाँ शक्ति पार्टीका लागि भोट मागिन ।

चलचित्रको सुटिङमा पनि व्यस्त भइरहने करिष्माका लागि रात दिन खट्नु कुनै नौलो कुरा त होइन । तर चलचित्र कर्मको खटाई र राजनीतिक खटाई एकदमै फरक रहेको उनको अनुभव छ । विहानैदेखि साजmसम्म चुनावी प्रचार प्रसारमा खटिनु पर्दा उनको दैनिकी पुरै फेरियो । विहानको मर्निङ वाक छुट्यो । योगा पनि नियमित भएन । धुलो धुवाले घाटीको समस्या भयो । हरेक जसो कार्यक्रममा करिष्मा कार्यकर्ता र आम मतदाताको लागि आकर्षण नै हेने गरेकाले उनले धेरै जसो कार्यक्रम त सम्बोधन नै गर्नु पर्दथ्यो । ‘स्वास्थ्यका दृष्टिले त चुनावी प्रचारमा खत्तमै भइयो, उनले भनिन ।

आफ्नो लागि पहिलो अनुभव भएकाले योबाट धेरै कुरा सिक्न पाएको उनको अनुभव छ । पहिलो चरणको चुनावमा पनि उनी उत्तिकै खटिन । दोश्रोमा पनि उनको खटाई निरन्तर रह्यो । आजबाट प्रचारप्रसार सकिएको र अब मज्जाले आराम गर्ने योजना उनले बनाएकी छन् । उनले सुनाइन, चुनावी प्रचारमा जस्तो सुकै स्वास्थ्यको ख्याल राखु भन्दा पनि नमिल्ने रहेछ । घाटीको समस्याले अलि समातेको उनले बताइन । जिवनमा सबै भन्दा ठूलो कुरा स्वास्थ्य हो, उनले भनिन, ‘म फेरि फिट एण्ड फाइन हुन्छु । ’