एचनाइन भाइरसका कारण २ दिनको अन्तरमा हजारौँ कुखुरा मरे

हेटौडा,१५ फागुन । एचनाइन भाइरसबाट हेटौडा –७ मा दुई दिनको अन्तरमा १० हजारभन्दा बढी कुखुरा मरेका छन् । भेटेरिनरी अस्पतालले एचनाइन भाइरसको सङ्क्रमण भएको पुष्टि गरेको छ । भेटरिनरी अस्पताल तथा पशु सेवाविज्ञ कार्यालयले कुखुरामा देखिएको रोग बर्डफ्लु नभएको जनाएको छ ।

केन्द्रका प्रमुख डा.चेतनारायण खरेलले ‘एचनाइन एन टु भाइरस’ नामक प्रकोपले कुखुराहरू मरेको जानकारी दिए । तर, बर्डफ्लुको कारण कुखुरा मरेको हल्ला चलेपछि अन्य किसान पनि चिन्तित भएका छन् ।

हटौँडा उपमहानगरपालिकाको व्यवसायिक कुखुरापालनका लागि पकेट क्षेत्र मानिने क्षेत्रमा किसानका हजारौँ कुखुरा केहि दिनकै अन्तरालमा मरेपछि जिल्लाभरका अन्य किसान बर्डफ्लुको हल्लाले थप चिन्तित बनेका छन् ।

मकवानपुर कुखुरा व्यवसायी सङ्घले मङ्गलबार पत्रकार सम्मेलन गरेर बर्डफ्लुको हल्ला निराधार भएको जनाएको छ ।