छैटौं एपी क्याट समिट इन्डोनेशियाको जाकर्तामा हुने

हेल्थ टुडे,
काठमाडौं, १३ मंसिर : छैटौं एपी क्याट समिट इन्डोनेशियाको जाकर्तामा आउँदो डिसेम्बर ७ ( सन् २०२१ ) मा हुने भएको छ । क्षयरोग तथा फोक्सो रोग विरुद्घ क्रियाशिल अन्तर्राष्ट्रिय संस्था दि युनियनको प्रमुख आयोजनामा एपी क्याट (सुर्तीजन्य पदार्थ र नसर्ने रोग विरुद्घ एशिया प्रसान्त क्षेत्रका नगरहरुको दबाब समूह) को छैटौं समिट आयोजना हुन लागेको हो । आयोजक दि युनियनले सोमबार भर्चुअल पत्रकार सम्मेलनको आयोजना गरि सम्मेलनको बिषयमा जानकारी गराएको हो । पत्रकार सम्मेलनमा एपी क्याट मिडियाका स्वास्थ्य पत्रकारहरु सहभागी थिए ।
कोरोना भाइरसका कारण छैटौं एपी क्याट समिट भर्चुअल माध्यमबाट हुने छ । आयोजक दि युनियनकी टेक्निकल अफिसर सविता कारापनले समिटमा नेपाल, भारत, सिंगापुर, इन्डोनेशिया, मलेसिया, बंगलादेश, म्यानमार लगायतका देशका एक दर्जन बढी नगरप्रमुखहरुले सम्बोधन गर्ने कार्यक्रम रहेको जानकारी दिइन । चार सेसनमा हुने समिटले विभिन्न देशका नगरप्रमुखहरुले सुर्तीजन्य पदार्थ नियन्त्रणका क्षेत्रमा जिम्मेवार भएर भूमिका निर्वाह गर्ने प्रतिवद्घता व्यक्त गर्ने छन् । समिटमा नेपालबाट भरतपुर महानगरपालिकाकी मेयर रेणु दाहालले सहभागी भएर सम्बोधन गर्ने कार्यक्रम छ । एपी क्याटले नसर्ने रोगको बढ्दो संक्रमण घटाउनका लागि सुर्तीजन्य पदार्थको उपभोग रोक्न सरोकारवाला निकायलाई दबाब दिदै आइरेको छ ।