केन्द्रीय अस्पतालहरूमा तत्काल १६ हजार दरबन्दी आवश्यक छ : स्वास्थ्य सचिव पोखरेल

हेल्थ टुडे,
काठमाडौँ, २ माघ : स्वास्थ्य तथा जनसंख्या मन्त्रालयका सचिव डा. रोशन पोखरेलले केन्द्रीय अस्पतलाहरूका लागि तत्काल १६ हजार दरबन्दी तत्काल आवश्यक रहेको बताएका छन् । केन्द्रीय अस्पतालहरूमा तत्काल १६ हजार दरबन्दी आवश्यक छ ः स्वास्थ्य सचिव पोखरेल
राष्ट्रिय सभा अन्तर्गतको राष्ट्रिय सरोकार तथा समन्वय समितिको मंगलबारको बैठकमा सचिव डा. पोखरेलले अर्थ मन्त्रालयमा दरबन्दीका लागि स्वास्थ्य मन्त्रालयले गरेको प्रस्ताव स्वीकृत नभए केन्द्रीय अस्पतालका ५ सय शैय्या बन्द हुने अवस्था आइपुगेको बताए । हाल सञ्चालनको क्रममा रहेका ५, १० र १५ बेडका अस्पताल सञ्चालन लागि पनि स्वास्थ्य मन्त्रालयले दरबन्दी थपका लागि प्रस्ताव पठाएको र त्यसलाई अर्थ मन्त्रालयले स्वीकृत गर्नैपर्ने सचिव पोखरेलको भनाई थियो ।
‘प्रत्येक स्थानीय तहमा ५ जना विशेषज्ञ डाक्टर पठाउने भन्ने पनि नीतिमा आयो । जुन सम्भव छैन । बिहान ८ बजेदेखि बेलुका ८ बजेसम्म अस्पताल खोल्नु भन्ने पनि आयो । त्यो कसरी सम्भव होला ?,’ उनले भने, ’ अर्थ मन्त्रालयबाट यो दरबन्दी र ओएनएमलाई पास गर्नका लागि सहयोग पु¥याई दिनुहुन्छ भनेर अनुरोध गरें । केन्द्रीय अस्पतालको दरबन्दी हामीलाई १५ देखि १६ हजार तुरुन्तै चाहिने छ । यो भएन भने हाम्रा ५ सय बेडका केन्द्रीय अस्पताल संचालन हुँदैनन् । आगामी दिनमा निर्माणाधीन ५, १० र १५ बेडका अस्पतालको एउटा प्रस्तावित दरबन्दीको आर्थिक पाटोमा नेपाल सरकारले स्वीकृति दिएन भने ती अस्पताल चल्दैनन् ।’
चिकित्सकका लागि स्वास्थ्य मन्त्रालयले पठाएको प्रस्ताव अर्थ मन्त्रालयबाट स्वीकृत भएमा ५, १०, १५ बेडका अस्पतालमा भौतिक संरचनाका साथसाथै जनशक्तिको पूर्ति हुने उनको भनाइ थियो ।